قضية الاسبوع

السلام عليكم ورحمة الله وبركاته
هذا ماقعدنا شي نشربوه والله العظيم الاتوا قبل اشوي شارب باكو عصير اعنب
وهذا كل يوم نشرب في واحد ومرات نوصل حتى الاتنين
والله العظيم هذي الا مشكله انا زعمتني شفت المقادير وشني فيه اما هذي مشكله
توا الواحد ايدير فسكيه عنب ويطلع من مشاكل المصانع وخلااص
لكن الي امتى بتقعد لزم يجيك يوم وتشري هالعصائر والمشروبات
مافيش حل المفروض لما يكتبو علي العلبه طبيعي خلاص يكون طبيعي
ليش يكتبو علي العلبه طبيعي ولما تجي للمقادير تلقهم كاتبين عشره في المئه عصير وعشرين في المئه سكر وعشرين في المئه
ماء ومانى عارف جلكسون الكلجون ومانى عارف من وين ايجبو في هالاسماء
المهم هما يبو يكتبو شي احنا مانفهموه ليش مايجو من الاخير عصير صناعي مئه في المئه
وهذا طبيعي خمسن في المئه وهذا ماهو\ طبيعي بوكل
وبعدين بتركو لنا حرية الاختيار وزاي البضائع الصينيه هذي صينيه بربع دينار وهذي امريكيه بنص دينار وهذي المانيه بدينار
وماعاد عرفنا شني انديروو
الباين مافيش خير من الشعير والتنور والقمح والحليب والتمر وخيمه في ام الجداري واطلع من هالعولمه
اشكرك اخوي وطن العز علي طرحك هذا واتمنى ماكون ازعجتك بكثرت كتابتي ويلا ننتظر تعليق الزير سالم
تقبلوو مروري

له له له يا كامور صار شارب باكو من ورايا . . اجري يا راجل دير تحليل اجري لحق قبل لا ايصكرو
اسمع نبي نعطيك معلومة مهمة جدا جدا وهذه من اصحاب المصانع انفسهم انه لا يوجد عصير طبيعي 100% في العالم كله نعرف ليش لأن المصنع ما يربحش فلازم ما ايزيد امية اوسكر ومش عارف شنوا

وعموما مشكور يا اخ وطن العز على الموضوع والله خوتك الليبين صارو زي فيران المختبرات جربوا فينا جميع المواد والادوية لين فيه ناس حتى البنج ما عاد يأثر فيهم . . هذه قضية أمة وليس مصنع وإلا دولة بس . . الله غالب ومنهم لله

اسمع لا اتصدق هذولا ولا هذوكه اكلهم كذابين وماعاد عندنا تيقة في حد إلا كل واحد ايدف فيها تالا الاخر وما فيش حد يبي يتحمل المسؤلية حتى الغلطان . . بعدين الحمد لله ان العمر بيد الله والواحد ما ايموت إلا بأجله وخليها على الله كان هذا ما عاد تاكل شي واتدير زي ما قال الكامور خبزة تنور و . . بس المصيبة ان حتى الدقيق مستورد يعني اشبح بعد غدوة شن يطلع فيه حتى هو؟؟؟؟

السلام عليكم
وشن فيها كان حطوا مواد ملونة ولاحافظة ولا اشبح شنى هوشن الى ماحطوه خلاص تعودنا لاعاد ياثر فينا شى بسبع رواح زى مايقولوا ولله انا فى رائيى مافيش شى اليوم مزبوط ولاتقدر تتخلا عليه ومش مهم من الكذاب ومن الصادق المهم احنا ماعندنا عليه وين ربى يحفظنا جميعا وخلاص ومشكور على مواضيعك القيمة

والله يا جماعه الا كلام مايصير منه
شوفو قورينا شني اتقول تي هما هتكونا ومرضنا وماعاد صار فينا طيب
وانا انقول خيرني صاير مثل الشيبانى وماعاد عندي جهد باش انتحرك
ااااااااااااااااااايه ياخبزة الشعير والقمح وحليب الابل والثمر
هييييييه يادنيا