عيوب جهاز سامسونق
2011-01-08, 17:17
السلام عليكم
اكيد حتقولوا خيرك شادها على العيوب؟
وبكل بساطة انا حنقول ان المصنع مش حيقول إلا الميزات ومش حيذكر العيوب وممكن تكون غايبة عنه. بس التجربة هي خير دليل وبرهان . . وحتى لما تبحث في جميع المنتديات والصفحات حتجد الميزات والمميزات . . بس خوكم الزير . . . وإلا بلاش المهم ما اتقولوش ايكره فينا في النقالات . . اصلا الكمال لله وحده ولكل شي ميزات وعيوب وانت شوف هل تمشي اعماك إلا لا!
عموما خوذوا هذه بعض العيوب
1- البرنامج مش مستقر . . ويدير في رستارت مرات ابروحه
2- لما تفتح النت أو تطلب تنزبل الإيميل ثم تلغي التنزيل وتحاول تتصل يقولك الشفرة مشغولة !!! واقعد راجي .. احسن حاجة طفي أو ولع.
3- النت امتاعه زي الزفت لا الزفت فيه فايدة.
4- عنده مشكله في التشكيل بالعربي . . يعني يعتبر في علامات الفتحة والضمة حروف ويكتب فيها في نص السطر. . مثل ب ٌ س ٌ م وكانك فهمت حاجة
5- لما يكون فيه شخص عنده شفرتين واتصل بيك واتخش على المكالمات الفائتة ما تقدرش تتصل الا بالشفرة اللي متصل بيها
6- لما اتنزل تطبيقات الويدجت الكبيرة على سطح المكتب يقولك ما فيهش داكرة كافية لين تخفي جميع البرامج الاخرى حتى اللي في الشاشتين الاخرتين . . . يعني من لاخير حاجة مش عملية
7- لما اتخش للنت وتبي اتنزل العاب وتطبيقات ايقولك ممنوعة لهذا الإصدار هذا كانك حصلت ولما اتنزل من موقع سامسونق يطلب تسجيل واشتراك . . والمشكلة انك مش حتلقى ليبيا . . اتقول ليبيا من كوكب آخر
هذه بعض العيوب وانا ما نبيش انزيدكم باش ما تكرهوهش
اكيد حتقولوا خيرك شادها على العيوب؟
وبكل بساطة انا حنقول ان المصنع مش حيقول إلا الميزات ومش حيذكر العيوب وممكن تكون غايبة عنه. بس التجربة هي خير دليل وبرهان . . وحتى لما تبحث في جميع المنتديات والصفحات حتجد الميزات والمميزات . . بس خوكم الزير . . . وإلا بلاش المهم ما اتقولوش ايكره فينا في النقالات . . اصلا الكمال لله وحده ولكل شي ميزات وعيوب وانت شوف هل تمشي اعماك إلا لا!
عموما خوذوا هذه بعض العيوب
1- البرنامج مش مستقر . . ويدير في رستارت مرات ابروحه
2- لما تفتح النت أو تطلب تنزبل الإيميل ثم تلغي التنزيل وتحاول تتصل يقولك الشفرة مشغولة !!! واقعد راجي .. احسن حاجة طفي أو ولع.
3- النت امتاعه زي الزفت لا الزفت فيه فايدة.
4- عنده مشكله في التشكيل بالعربي . . يعني يعتبر في علامات الفتحة والضمة حروف ويكتب فيها في نص السطر. . مثل ب ٌ س ٌ م وكانك فهمت حاجة
5- لما يكون فيه شخص عنده شفرتين واتصل بيك واتخش على المكالمات الفائتة ما تقدرش تتصل الا بالشفرة اللي متصل بيها
6- لما اتنزل تطبيقات الويدجت الكبيرة على سطح المكتب يقولك ما فيهش داكرة كافية لين تخفي جميع البرامج الاخرى حتى اللي في الشاشتين الاخرتين . . . يعني من لاخير حاجة مش عملية
7- لما اتخش للنت وتبي اتنزل العاب وتطبيقات ايقولك ممنوعة لهذا الإصدار هذا كانك حصلت ولما اتنزل من موقع سامسونق يطلب تسجيل واشتراك . . والمشكلة انك مش حتلقى ليبيا . . اتقول ليبيا من كوكب آخر
هذه بعض العيوب وانا ما نبيش انزيدكم باش ما تكرهوهش
- الصقر الحرعميد
- العمر : 39
الهواية : التعارف
المهنة : موضف
تاريخ التسجيل : 02/09/2010
بطاقة الشخصية
المشاركات:
(10/10)
عمر:
(100/100)
الجنس:
رد: عيوب جهاز سامسونق
2011-02-13, 02:17
الحمد لله انا من مستخدمي النوكيا ورد بالك تجيب عيوب على النوكيا ههههههههههههههههههه وانت يا زير حق خيرك حشيشتك العيوب بس هههههههههههههههه انت حتى ال اي فون طلعت عليه عيوب
المهم منور يا زير على المعلومات وإن شاء الله ما نستعملوه السامسونج
تحياتي ليك اخي .........
والسلام عليكم ورحمة الله وبركاته
المهم منور يا زير على المعلومات وإن شاء الله ما نستعملوه السامسونج
تحياتي ليك اخي .........
والسلام عليكم ورحمة الله وبركاته
رد: عيوب جهاز سامسونق
2011-02-14, 17:54
السلام عليكم
اولا مشكور يا صقر على المرور
ثم زي ما ايقولوا خود الكلام اللي ايبكيك . . مش حتلقى أي حد ايقولك على عيوب جهاز. وما تلقى غير من يشكر لين اتقول هذا هو الجهاز المثالي لكن لما تتورط وتشري تلقى روحك حاصل في مصيبة . . انا مرة والله خدفت جهاز إلا على الحيط وجبته اطروف
خليك يا راجل من الدعايات راهو نصها كذب
اولا مشكور يا صقر على المرور
ثم زي ما ايقولوا خود الكلام اللي ايبكيك . . مش حتلقى أي حد ايقولك على عيوب جهاز. وما تلقى غير من يشكر لين اتقول هذا هو الجهاز المثالي لكن لما تتورط وتشري تلقى روحك حاصل في مصيبة . . انا مرة والله خدفت جهاز إلا على الحيط وجبته اطروف
خليك يا راجل من الدعايات راهو نصها كذب
- الصقر الحرعميد
- العمر : 39
الهواية : التعارف
المهنة : موضف
تاريخ التسجيل : 02/09/2010
بطاقة الشخصية
المشاركات:
(10/10)
عمر:
(100/100)
الجنس:
رد: عيوب جهاز سامسونق
2011-02-15, 06:17
ههههههههههههههههههههههههه صار نوعيته بلهون توا
انا كيف بنجرب نغير على السامسونج لكن هاهو ايست بينا يا زير توا شن اللي بناخدوه ولكن النوكيا هدا زقت منه ما فيهش كمليات زي الهواتف التانية
تحياتي والسلام عليكم
انا كيف بنجرب نغير على السامسونج لكن هاهو ايست بينا يا زير توا شن اللي بناخدوه ولكن النوكيا هدا زقت منه ما فيهش كمليات زي الهواتف التانية
تحياتي والسلام عليكم
رد: عيوب جهاز سامسونق
2011-02-16, 17:16
لا لا انا ما قلتش ما ينفعش بكل قلت فيه عيوب وكل جهاز فيه عيوب والكمال لله وحده
وانت شوف روحك تمشي اعماك وإلا لا وعموما اكلا ولا النوكيا..........
وانت شوف روحك تمشي اعماك وإلا لا وعموما اكلا ولا النوكيا..........
- الصقر الحرعميد
- العمر : 39
الهواية : التعارف
المهنة : موضف
تاريخ التسجيل : 02/09/2010
بطاقة الشخصية
المشاركات:
(10/10)
عمر:
(100/100)
الجنس:
رد: عيوب جهاز سامسونق
2011-02-17, 02:07
ههههههههههههههههههههههه شن قصدك النوكيا بلهون ولا شن ههههههههههه انا عندي الهاتف المفضل النوكيا
ولكن الباين بنشوفوه السامسونج اللي طلعت عيوبه ههههههههههه
ولكن الباين بنشوفوه السامسونج اللي طلعت عيوبه ههههههههههه
صلاحيات هذا المنتدى:
لاتستطيع الرد على المواضيع في هذا المنتدى